Einfalt og fljótlegt kjúklingasalat

Ég nýti mér það stundum að kaupa tilbúinn eldaðan heilan kjúkling þegar ég er með eitthvað í matinn sem krefst kjúlingabita eins og til dæmis salat eða pítur, mér finnst það alveg ótrúlega þægilegt og gott. Þá get ég líka frekar dúllað mér við matinn og mögulega að leggja fallega á borðið.

Það er eitthvað við það að raða salatinu á disk sem heillar mig alveg, fyrir mér er það miklu skemmtilegri framsetning heldur en ofan í skál og öllu blandað saman.

Ég hef tekið eftir því hversu góð olían af fetaostinum frá Örnu mjólkurvörum er. Mér finnst að þegar ég nota fetaostinn þeirra þá þarf alls enga salat dressingu með. Olían af fetaostinum er meira er nóg fyrir minn smekk og líkar mer hún alveg rosalega vel. Því nota ég þann ost alltaf þegar ég vil ofur einfalt salat með lítilli fyrirhöfn, og svo auðvitað líka við önnur tilefni.

Uppskrift og myndir frá Lindu Ben.

Innihaldsefni

1 poki veislusalat (100g)

2 kjúklingabringur

1 stórt avocadó eða 2 lítil

1/2 agúrka

1 krukka fetaostur frá Örnu mjólkurvörum

1/2 granatepli

Aðferð

  1. Skolið salatið og þerrið í eldhúspappír eða salat vindu. Raðið salatinu á disk.
  2. Skerið elduðu kjúklingabringurnar niður í bita stóra bita og raðið á salatið. Ef þið notið hráar kjúklingabringur þá skeriði þær niður í bita, kryddið með uppáhalds kjúklingakryddinu ykkar og steikið þær svo þegar til bitarnir eru eldaðir í gegn.
  3. Skerið avocadóið og agúrkuna niður í bita stóra bita og raðið yfir.
  4. Setjið fetaostinn yfir salatið með olíunni.
  5. Takið fræin úr hálfu granatepli og raðið yfir salatið.

Verði ykkur að góðu!

Deila uppskrift á Facebook