Á sumrin elska ég að grilla grænmeti og eitt af því sem er í miklu uppáhaldi hjá okkur fjölskyldunni eru grillaðir tómatar fylltir með fetaosti. Við borðum þá aðallega sem meðlæti með öðrum mat.

Það er afskaplega einfalt að græja tómatana en maður einfaldlega sker af þeim toppinn og tekur örlítið innan úr þeim, svo fyllir maður þá með fetaosti, setur á bakka og á grillið. Þar leyfir maður þeim að grillast þar til þeir eru orðnir vel þrútnir og osturinn bráðnaður.

Uppskrift og myndir frá Lindu Ben.