Piparosta túnfisksalat

Hefur þú prófað að rífa piparost út í túnfiskasalatið þitt? Það er svo gott!

Trixið er að rífa ostinn svolítið gróft niður, það gefur bestu áferðina.

Uppskrift og myndir frá Lindu Ben.

1 dós túnfiskur

3 egg

¼ laukur

3 msk majónes

¾ rifinn piparostur frá Örnu Mjólkurvörum

¼ tsk hvítlaukskrydd

¼ tsk pipar

¼ tsk salt

¼ tsk paprikukrydd

Harðsjóðið eggin (u.þ.b. 10 mín). Kælið eggin þegar þau eru orðin harðsoðin.
Skerið laukinn smátt niður.
Hellið olíunni af túnfisknum og rífið hann í sundur, setjið í skál ásamt lauknum.
Rífið piparostinn gróft niður og bætið út í skálina ásamt majónesi og kryddunum.
Skerið eggin niður og bætið út í salatið.