Haustsalat Jönu

Þetta haustsalat er að gera allt vitlaust. Um að gera að nýta íslenska blómkálið sem er komið í búðir.

Uppskrift og myndir frá Jönu.

Innihaldsefni

Grænmetisblanda í ofn:

1/2-1 íslenskumr blómkálshaus

1/2 – 1 sæt kartafla

1 krukka soðnar kjúklingabaunir (vatninu hellt af og baunir skolaðar).

Smá ólífuolía

Salt og pipar

2-3 msk góð grænmetiskryddblanda

Salat:

1-2 handfylli af blönduðu salati

1 epli skorið í bita

4 msk pekanhnetur / eða hnetur sem ykkur þykir góðar

2 msk Salatostur frá Örnu

2 msk smátt saxaðir sólþurrkaðir tómatar

Handfylli sprettur

15 gr ferskt basil saxað gróft

15 gr fersk steinselja söxuð gróft

Dressing:

1/3 bolli góð ólífuolía

safi úr 1 lime

1 msk hlynsýróp/hunang

Salt&pipar

3 msk hempfræ

Aðferð

Hitið ofninn í 200°C

Skerið blómkálið í lítil blóm

Skerið sætu kartöfluna í litla bita

Hellið vatninu af og skolið kjúklingabaunirnar

Blandið öllum hráefnum saman í ofnskúffu, hellið ólífuolíu yfir og kryddið yfir grænmetið.

Bakið í ofni í um 25 mínútur eða þar til grænmetið er orðið vel gullið.

Á meðan grænmetið bakast þá blandið saman í skál blönduðu salati, eplabitum, hnetum og salatosti, sólþurrkuðu tómötunum, sprettum, basil og steinselju. Blandið vel saman.

Bætið bakaða grænmetinu út í salatblönduna.

Því næst að útbúa dressinguna en þá er öllum hráefnum hrært vel saman og hellt yfir salatið.

Svo er að blanda öllu saman og njóta.