Klassískt kartöflugratín - Arna

Klassískt kartöflugratín

Klassískt kartöflugratín sem er afskaplega bragðgott. Það inniheldur nóg af osti sem gerir það einstaklega djúsí.

Kartöflugratín hentar sem meðlæti með allskonar mat.

Uppskrift og myndir frá Lindu Ben.

Innihaldsefni

900 g kartöflur

500 ml rjómi frá Örnu Mjólkurvörum

2 hvítlaukar

30 g smjör

250 g rifinn mozzarella með piparosti frá Örnu Mjólkurvörum

Salt og pipar

Aðferð

Kveikið á ofninum og stillið á 180°C, undir og yfir.
Skerið kartöflurnar mjög þunnt niður, gott að nota mandolín ef þið eigið það til, annars skeriði eins þunnt og hægt er, eins og ég gerði. Raðið í eldfast mót.
Setjið rjóma í pott, rífið hvítlaukinn niður í rjómann, bætið smjörinu út í, helmingnum af rifna ostinum og salt&pipar. Bræðið saman og hellið yfir kartöflurnar. Setjið álpappír yfir mótið og bakið inn i ofni í u.þ.b. klukkutíma og 15 mín.
Takið út úr ofninum og dreifið restinni af rifna ostinum yfir. Setjið aftur inn í ofn og bakið í u.þ.b. 20 mín eða þar til osturinn er orðinn gullin brúnn.

Verði ykkur að góðu!