Létt og ferskt hrásalat.

Börnin mín eru nýbúin að uppgötva hrásalat og nú er þetta nýjasta æðið hér heima, þau elska hvað það er fallegt á litin og bragðast vel. Ég gæti ekki verið meira hamingjusöm með þessa uppfinningu þeirra enda fullt af grænmeti sem er hollt og gott fyrir litla kroppa.

Ég geri hrásalatið aðeins hollara með því að skipta út hluta af majónesinu út fyrir grískt jógúrt, þannig er það líka léttara, ferskara og mér finnst það bragðbetra.

Best er að græja hrásalatið daginn áður svo það sé búið að taka sig vel og jógúrtið búið að mýkja grænmetið. Það er þó í góðu lagi að gera það samdægurs líka.

Uppskrift og myndir frá Lindu Ben.