Próteinríkt og sykurlaust bananabrauð - Arna

Próteinríkt og sykurlaust bananabrauð

Próteinríkt og sykurlaust bananabrauð sem bragðast dásamlega! Uppskriftin og myndir eru frá Lindu Ben.

Innihaldsefni

3 vel þroskaðir bananar

60 g brætt smjör

1 egg

1 tsk vanilludropar

250 g hveiti

1 tsk salt

1 tsk matarsódi

1 tsk kanill

170 g Örnuskyr með vanillu

50 g pekanhnetur + meira til að setja ofan á brauðið ef þið viljið

Aðferð

Stillið ofninn á 175ºC.
Bræðið smjörið og kælið það niður.
Setjið bananana í hrærivélina og hrærið þangað til þeir eru fullkomlega maukaðir.
Hellið smjörinu út í banana ásamt eggi og vanilludropum.
Blandið saman í aðra skál hveiti, salti, matarsóda og kanil.
Blandið því saman við bananablönduna og hellið skyrinu svo út í hægt og rólega.
Saxið pekanhneturnar niður og bætið þeim út í deigið.
Hellið deiginu í brauðform sem hefur verið klætt með smjörpappír. Ef þið viljið þá getið þið sett pekanhnetur og kanil ofan á brauðið sem skraut en þið megið sleppa því.
Bakið brauðið í um það bil 45 mín eða þangað til brauðið er bakað í gegn.

Verði ykkur að góðu!

Arna ehf.

456-5600
arna@arna.is
Kt. 440205-0460
VSK Númer. 85774

Framleiðsla og aðalskrifstofur
Hafnargötu 80, 415 Bolungarvík

Sala og dreifing
Tunguhálsi 6, 110 Reykjavík

Póstlisti

Með því að skrá þig á póstlistann okkar færðu sendar
nýjustu uppskriftir og aðrar gagnlegar tilkynningar frá Örnu.

Vörumerki Örnu:

Allur réttur áskilinn @ 2023