Óshlíðin er hlíðin sem liggur á milli Bolungarvíkur og Hnífsdals og var lengi vel eina akstursleiðin til Bolungarvíkur, þar til Bolungarvíkurgöng leystu veginn af hólmi árið 2010. Síðan göngin voru tekin í gagnið hefur Óshlíðin verið mikið notuð sem útivistarsvæði en malbikaður vegurinn bíður upp á frábæra hjóla- og hlaupaleið sem er fær allt sumarið. Vegfarendur þurfa þó að sýna aðgát þar sem að mikið grjóthrun er úr hlíðinni fyrir ofan og vegurinn hefur látið á sjá vegna ágangs sjávar. Óshlíðin er virkilega skemmtilegur áfangastaður á björtum sumarkvöldum en sólsetrið sést óvíða betur en frá Óshlíðinni.

Teikning: Berglind Halla Elíasdóttir