Brokkolí waldorfsalat
Brokkolí waldorfsalat er ný útgáfa af klassíska waldorfsalatinu sem við þekkjum flest öll. Brokkolísalat hefur verið virkilega vinsælt upp á síðkastið og því fannst mér upplagt að prófa gera smá tvist þar sem við fáum að njóta alls þess besta af þessum tveimur salötum.
Úkoman er virkilega bragðgóð og skemmtileg.
Uppskrift og myndir frá Lindu Ben.
Innihaldsefni
Brokkolíhaus (meðalstærð)
2-3 epli
50 g valhetur
Granateplakjarnar úr 1/3-1/2 granatepli
50 g dökkt súkkulaði
Örlítið salt
Sítrónusafi úr 1/2 sítrónu
1 dl majónes
2 dl þeyttur rjómi
Aðferð
- Skerið brokkolíið smátt niður ásamt eplum, valhnettum og dökku súkkulaði, setjið í skál.
- Skiljið örlítið eftir af granateplakjörnunum og dökka súkkulaðinu til að skreyta með á eftir.
- Kjarnhreinsið granatepli og setjið kjarnana í skálina. Kryddið með örlitlu salti og kreistið sítrónusafa yfir. Blandið saman.
- Setjið mæjónesið út í skálina og blandið saman.
Þeytið rjómann og blandið saman við. Skreytið með nokkrum granateplakjörnum og dökku súkkulaði.
Verði ykkur að góðu!
Arna ehf.
456-5600
arna@arna.is
VSK Númer. 85774
Framleiðsla og aðalskrifstofur
Hafnargötu 80, 415 Bolungarvík
Sala og dreifing
Tunguhálsi 6, 110 Reykjavík
Póstlisti
Með því að skrá þig á póstlistann okkar færðu sendar
nýjustu uppskriftir og aðrar gagnlegar tilkynningar frá Örnu.
